Փետրվարի 21-ը պատմության մեջ

Փետրվարի 21, տարվա 52-րդ օրն է։

Դեպքեր

• 1848 – Կառլ Մարքսը և Ֆրիդրիխ Էնգելսը հրատարակում են «Կոմունիստական կուսակցության մանիֆեստը» Լոնդոնում
• 1944 – Միսաք Մանուշյանը իր խմբի 21 անդամների հետ միասին մահապատժի է ենթարկվել Փարիզի Սյուրեն արվարձանի Ֆորտ Մոն-Վալերյեն ամրոցում։

Ծնունդներ

• 1834 – Ֆրիդրիխ Մուլլեր, գերմանացի հայագետ (վ. 1898)
• 1937 – Միքայել Վարտանով, վավերագրական կինոյի վարպետ
• 1909 – Բաբկեն Քոլոզյան, նկարիչ, մանկավարժ
• 1958 – Հրաչիկ Թավադյան,ՀՀ մարզական գործիչ, Տիգրան Պետրոսյանի անվան շախմատի կենտրոնական տան տնօրեն
• 1977 – Ջոնաթան Սաֆրան Ֆոեր, ամերիկացի գրող

Մահեր

• 1902 – Ալեքսանդր Երիցյան, հայագետ (ծ. 1841)
• 1944 – Միսաք Մանուշյան, հայ բանաստեղծ, ֆրանսիական դիմադրության շարժման մարտիկ, հակաֆաշիստ և ֆրանսիայի ազգային հերոս։
• 1945 – Անդրե Տարդիյո,ֆրանսիացի քաղաքական և պետական գործիչ
• 1984 – Միխայիլ Շոլոխով, ռուս արձակագիր, հրապարակախոս, Նոբելյան մրցանակի դափնեկիր (ծ․ 1905)։
• 1677 – Բենեդիկտ Սպինոզա, հոլանդացի փիլիսոփա, աթեիստ։
• 1919 – Լևոն Մանվելյան, հայ գրող
• 1996 – Վահագն Դավթյան, հայ բանաստեղծ (ծ․ 1922)

Տոներ և հիշատակի օրեր

• Մայրենի լեզվի միջազգային օրը։ Տոնվում է 2000 թվականից^[1]

Ծանոթագրություններ

1.  :Մայրենի լեզվի միջազգային օրը ՅՈՒՆԵՍԿՕ-ի կայքում (անգլերեն)

http://hy.wikipedia.org/

Լինզաները սխալ խնամելը կարող է աչքի ինֆեկցիաների պատճառ դառնալ. ինչպե՞ս ճիշտ կիրառել դրանք

Կերատիտը աչքի եղջրաթաղանթի հիվանդություն է, որն ուղեկցվում է ցավով և երբեմն հանգեցնում է կուրության: Կերատիտն առաջանում է, երբ եղջրաթաղանթը վարակվում է բակտերիաներով, սնկերով և այլ միկրոօրգանիզմներով:

Ըստ հիվանդությունների կառավարման և պրոֆիլակտիկայի կենտրոնի (CDC)՝ ԱՄՆ ում կերատիտի հիմնական պատճառներից մեկը կոնտակտային լինզաներ կրելն է: Այս խնդրով տարեկան  1.000.000 մարդ է դիմում բժշկի:

Կոնտակտային լինզաները բավական տարածված բժշկական միջոցներ են, որոնք փոխարինում են ակնոցներին: Միայն ԱՄՆ-ում լինզաներ կրում է 38 մլն. մարդ : Սակայն լինզաները սխալ խնամելը կարող է աչքի ինֆեկցիաների պատճառ դառնալ, օրինակ կերատիտի, և նույնիսկ կարող է ավարտվել կուրությամբ:

Լինզաներ կրողները պետք է պահպաներ հիգենային կանոները և դրանք խնամեն ամեն անգամ երբ կրում են, մշակում կամ հանում են` աչքերի առողջությունը պահպանելու համար:

Մեծամասամբ կերատիտի վաղ բուժումը արագ լավացման է բերում և ընդհակառակը, բուժման ձգձգումը կամ ինքնաբուժությունը կարող է հանգեցնել բորբոքման, ցավի և նույնիսկ կուրության:

Ցավի և բորբոքման դեպքում անհրաժեշտ է անհապաղ դիմել բժշկի, հատկապես, եթե կրում եք լինզաներ:

CDC –ի մասնագետները նշում են որ վատ հիգիենան, պահպանման կանոնների խախտումը, հազվադեպ փոխարինումը և գիշերվա ընթացքում լինզաները աչքերին թողնելը կերատիտ և նրա բարդությունների զարգացման ռիսկի հիմանկան գործոններն են:

Ինչպե՞ս ճիշտ կիրառել լինզաները

• Ձեռքերը օճառով լվացեք և չորացրեք լինզաներին դիպչելուց առաջ
• Լինզաները հատուկ ախտահանող հեղուկով լվացեք ամեն անգամ հանելուց հետո
• Լինզները խնամելու համար օգտագործեք միայն արտադրողի կողմից խորհուրդ տրվող հեղուկներ
• Միաժամանակ մի օգտագործեք հին ու նոր լինզաները, եթե զույգից մեկը կորցրել եք, նոր զույգ գնեք: Մի խառնեք նաև լինզայի խնամքի տարբեր հեղուկները
• Երբեք ջրով կամ թքով մի խոնավացրեք լինզաները և նրանք ջրի մեջ մի պահեք
• Լինզաներն աչքերին մի քնեք, եթե դա չի թույլատրել ձեր բժիշկը կամ թույլատրված չէ արտադրողի կողմից:
• Լինզները ջրից պահպանեք. հանեք ամեն անգամ լոգանք կամ ցնցուղ ընդունելուց առաջ
• Երեք ամիսը մեկ նոր զույգ գնեք
• Այցելեք ձեր ակնաբույժին նվազագույնը տարին մեկ անգամ իսկ  բարդությունների դեպքում անհապաղ դիմեք նրան:
• Եթե զգում եք ցավ, դիսկոմֆորտ, աչքերը կարմրած են , տեսողությունը մշուշոտ, հանեք լինզաները և դիմեք բժշկի
• Միշտ ձեռքի տակ ակնոց ունեցեք, որպեսզի լինզաների հետ խնդիրների դեպքում ստիպված չլինեք  կրել դրանք ամբողջ օրվա ընթացքում:

---

Թարգմանված նյութի աղբյուրը՝ Doctors.am

Սկզբնաղբյուր՝ Medspecial.ru

Երեխային մի տրամադրեք որևէ սննդամթերքի դեմ

Այս հարցի քննումը պատահական չէ: Բանն այն է, որ կերակրման հետ կապված անախորժություններն սկսվում են սովորաբար մեկից մինչև երկու տարեկան հասակում: Երեխան համառում է, մայրն անհանգստանում, և որքան մայրը շատ է պնդում ու համոզում երեխային, անքան նա քիչ է ուզում ուտել:

Իսկ որքան երեխան քիչ է ուտում, այնքան մայրը շատ է անհանգստանում: Ամեն անգամ ճաշը վեր է ածվում տանջանքի: Եվ դա կարող է տևել տարիներ: Ծնողների ու երեխաների հարաբերություններում աճող լարվածությունից նոր խնդիրներ են ծագում դաստիարակության հարցում:

Երեխայի ախորժակը պահապնելու ամենալավ միջոցն է չխանգարել նրան մտածել, թե ինչ է ուզում ուտել ինքը, այլ ոչ թե դուք եք ցանկանում տալ: Թող մի ճաշատեսակից շատ ուտի, իսկ մյուսից բոլորովին չուտի, եթե այդպես է ցանկանում: Դուք պետք է ապահովեք բազմազան ու լիարժեք սնունդ, բայց ընտրեք այնպիսի ուտելիքներ, որոնք նա սիրում է: Մի զարմացեք, որ նրա ճաշակն ամիս առ ամիս փոխվում է:

Եթե չստիպեք երեխային ուտել, ապա, ամենայն հավանականությամբ, իր օրգանիզմի պահանջները բավարարելու համար նա կուտի բավարար չափով, թեև քանակությունը օրեցօր կփոխվի: Բայց եթե ձեր կարծիքով նրա սնունդը լիաժեք չէ, պետք է դիմել բժշկի:

babycare.am

Հպարտության մասին (բարոյախրատական պատում)

Մի անապատական բնակվում էր միաբանների վանքի մերձակայքում, որ հիվանդանալով, [մեկին] ուղարկեց վանահոր մոտ` աղաչելով, որ գա և իրեն աստվածային խորհուրդներին հաղորդ դարձնի: Իսկ հայրը, իր հետ լռակյաց մի եղբոր վերցնելով, գնաց, որպեսզի նրանհաղորդություն տա: Եվ մինչ գնում էին, մի ավազակ, զանգակի ձայն լսելով, նրանց ետևից մինչև անապատականի սենյակը գնաց և դռան առաջ կանգնեց, իրեն անարժան համարելով այդպիսի սուրբ մարդու խուցը մտնելու: Եվ երբ անապատականը խոստովանեց ու հաղորդվեց, ավազակը` դռնից ոչ հեռու կանգնած, իր սրտի խոնարհությամբ, ասաց.
– Երանի՜ թե ես էլ քեզ պես լինեի: Իսկ անապատականը սրտի հպարտությամբ ու ինքնահավանությամբ ասաց.
– Իրո՞ք խնդրում էիր, որ ինձ պես լինեիր:
Այնժամ լռակյաց ու հոգեզարդ այն եղբայրը, որ նաև ծածուկ սրտերի գաղտնիքները Աստծուց ծածուկ իմանում էր, սկսեց դառնապես լալ: Եվ երբ հայրը, եղբոր հետ ելնելով, գնաց, ավազակը հեռվից նրանց հետևից գնում էր` Աստծուն դիմելով, որ իրեն ճշմարիտ զղջում ու ուղիղ վարք տա, քանի որ մտքում հաստատապես վճռել էր հոր առաջ խոստովանել և այլևս մեղքեր չավելացնել, այլ մեղքերի համար ապաշխարել: Եվ մինչ վազում էր, ընկավ և իսկույն մեռավ: Այս տեսնելով` այն եղբայրը սաստիկ ուրախացավ: Երբ վանք եկան, հայրը եղբորը հարցրեց.
– Ինչո՞ւ ես այդպես լուռ մնում: Եվ նա պատասխան տվեց.
– Հա՛յր, մի օր հրամայեցիր ինձ լռել, ես էլ այն օրից սկսած լուռ եմ մնացել, միայն այն դեպքում, երբ մեկն ինձ որևէ բան էր հարցնում, ապա խոսում էի: Հայրը նրան ասաց.
– Հապա ինչո՞ւ էիր լացում, երբ այն սուրբ անապատականին հաղորդություն էի տալիս և ինչո՞ւ էիր ծիծաղում, երբ այն չարագործ ավազակը մեր ետևից վազում էր` մեզ կողոպտել կամ սպանել կամենալով, և այդպիսի մեղքի համար էլ մեռավ:
Եղբայրը պատասխան տվեց.
– Հա՛յր, լացելուս պատճառն այս էր, որ երբ ճգնավորին հաղորդություն էիր տալիս, այդ ժամանակ ավազակը դռան ետևում
կանգնած, խոնարհ սրտով ասաց. «Երանի՜ թե ես էլ քեզ պես լինեի»: Իսկ ճգնավորը, որ սրտի հպարտությամբ պատասխանեց, թե` «Դա հոժարությամբ կարող ես խնդրել», մեռավ և դատապարտվեց, որի համար էլ լաց էի լինում: Բայց ավազակը, որ մեր ետևից էր գալիս, հաստատուն միտք ուներ՝ խոստովանել և ոչ թե մեզ կողոպտել կամ սպանել:
Եվ երբ վազում էր, ընկավ և մեռավ: Հրեշտակները, նրա հոգին առնելով, ուրախությամբ երկինք տարան, քանզի նրա զղջումն այնպիսին էր, որ ժամանակավոր և հավիտենական պատիժը ջնջեց:

ՀԱՅԵԼԻ ՎԱՐՈՒՑ. ԲԱՐՈՅԱԽՐԱՏԱԿԱՆ ՊԱՏՈՒՄՆԵՐ. Ս. ԷՋՄԻԱԾԻՆ – 2007 թ.

Գլխավոր էջ

Ո՞ր կոշիկներն են անվնաս, և ի՞նչ կոշիկ է հարկավոր հենց Ձեզ

Բարձրակրունկներ

Եթե բարձրակրունկների սիրահար եք, ապա հիշեք, որ այն չի կարելի հաճախ կրել: Այդ կոշիկներում մարմնի ծանրության կենտրոնը ճիշտ չի բաշխվում, ներբանը դադարում է զսպանակել, յուրաքանչյուր քայլը հաղորդվում է ողնաշարին ու ի վերջո, հանգեցնում ողնաշարային, հոդային ու անոթային հիվանդությունների:

Պլատֆորմը

Չգիտես ինչու է պլատֆորմը համարվում բարձրակրունկի լավագույն այլընտրանքային տարբերակ: Սակայն, սրանք երկարատև կրելը ևս  վտանգավոր է: Պլատֆորմով կոշիկում ներբանների մկանները չեն ասշխատում, ինչը կրկին ազդում է ողնաշարի, կեցվածքի ու քայլվածքի վրա: Բացի այդ, պլատֆորմը նպաստում է հարթաթաթության զարգացմանը:

Սրածայր քթով կոշիկներ

Սրածայր քթով կոշիկներին նախապատվություն տվողները պետք է հիշեն, որ այդ կոշիկներում ոտնաթաթի մատները խիստ տձևանում ու ձևախախտվում են:

Պարային մաշիկներ (բալետկաներ)

Նման են հողաթափի ու նախատեսված են հարթ մակերեսին ոչ երկար զբոսանքի  համար: Եթե դրանք ճիշտ ընտրված  չափսի են, ապա ոտքի վրա դրանց գոյությունը գրեթե չի զգացվում:

Սպորտային կոշիկներ

Այս կոշիկները կոչվում են սպորտային, քանի որ նախատեսված են մարզումների ժամանակ հագնելու համար: Սակայն նյութը, որից պատրաստված են, քրտնացնում է ոտքերը, իսկ մաշկի խոնավությունն ու  կոշկատակի  չափազանց առաձգականությունը թուլացնում են ջլերը:

Այսպես, ստացվում է, որ գերազանց են փոքր, ցածր կրունկով, փափուկ կաշվից կամ փոխարինիչից կարված կոշիկները: Այն կրկնում է ոտնաթաթի անատոմիական կառուցվածքը, ունի փափուկ ու հարմարավետ, շարժուն կաղապար:

Օգտակար տեղեկատվություն

Կոշիկ գնելիս ուշադրություն դարձրեք, որ կոշիկը կիպ գրկի ոտքը, իսկ այն սեղմելիս` նախկին դիրքն ընդունի, ուշադրություն դարձրեք, որ ոտքի մատները շարժվեն կոշիկի մեջ: Իսկ այն կոշիկը, որը թվում է` թեթևակի է սեղմում, գնելուց հետո կարող է իսկական տառապանքի աղբյուր դառնալ:

Հիմնականում կոշիկ գնելիս հիշեք, որ երեկոյան  ոտքերը միշտ այտուցվում են, թեկուզ` թեթևակի:

---

Աղբյուրը՝ Doctors.am