Archiv
Alle Beiträge vom Tag 25. März 2015
Խուսափել այնպիսի տարիքային հիվանդություններից, ինչպիսիք են իշեմիկ հիվանդությունը, կրծքահեղձուկը, ինֆարկտը, լիովին մատչելի է նաև այլընտրանքային կամ «համեղ» միջոցներով:
Գիտնականները պարզել են, որ ինֆարկտի ռիսկը 90%-ով նվազում է կենսակերպի մեջ ամենահասարակ փոփոխությունների շնորհիվ: Այժմ բոլորին, ովքեր ցանկանում են պահպանել իրենց երիտասարդ սիրտը, գիտնականները խորհուրդ են տալիս ազատվել ավելորդ քաշից, հնարավորինս քիչ նյարդայնանալ, խուսափել դեպրեսիայից, սահմանափակել ալկոհոլի օգտագործումը, հրաժարվել ծխելուց:
Եվ, բնականաբար, կատարել գոնե մի քանի ֆիզիկական վարժություններ, սնվել որակյալ մթերքով: Օրինակ՝ միս գնել նրբերշիկի փոխարեն, կաթնաշոռ`«կաթնաշոռային աղանդերի» փոխարեն, թխվածքը տանը պատրաստել և այլն: Իհարկե, միշտ չէ, որ դա հաջողվում է: Բայց 90% արդյունքը, որ ստուգվել է 22 երկրում կատարված 6 հազար հետազոտություններով, տպավորիչ է: Եվ որպես օգնություն կարելի է նաև այլ խորամանկություններ անել:
Լոլիկը, պարզվում է, այն մարդու լավագույն ընկերն է, ով իր սրտի մասին հոգ է տանում: Բնականաբար, կարմիր լոլիկը, որի կեղևի մեջ պարունակվում է լիկոպին հզոր հակաօքսիդանտը: Գիտնականները կամավորների հետ փորձեր են անցկացրել, նրանց մի մասին 15-ական մգ լիկոպին են տվել, մյուսներին` պլացեբո (սնահաբ): Փորձարարության վերջում պարզվել է, որ նրանց մոտ, ովքեր լիկոպեն են ստացել, նշանակալիորեն բարձրացել է օքսիդդիսմուտազա ֆերմենտի ակտիվությունը:
Այդ նյութը պաշտպանում է ԴՆԹ-ն ազատ ռադիկալներից: Բացի դրանից, նվազել է արյան սիստոլիկ ճնշումը և արյան C ռեակտիվ սպիտակուցը, որի առկայությունը վկայում է անոթների բորբոքման և աթերոսկլերոզի սկզբի մասին: Գիտնականները եզրակացություն են կատարել, որ լիկոպենը դրական է ազդում անոթների պատերի վրա՝ նպաստելով սիրտ-անոթային համակարգի նորմալ աշխատանքին: Նշենք, որ ամենից շատ լիկոպեն պարունակվում է ոչ թե հում, այլ ջերմամշակված լոլիկի, ինչպես նաև տոմատի մածուկի մեջ:
Իսկ բարձր ածխաջրատային մթերքը՝ առաջին հերթին հացը և սպիտակ ալյուրից պատրաստված ամեն ինչ, հարկ է օգտագործել հնարավորինս քիչ քանակությամբ: Այստեղ տեղին է հիշել «գլիկեմիկ ինդեքս» (ԳԻ) հասկացության մասին, որը հանրահայտ է որոշ սննդակարգերում: Որքան բարձր է մթերքի ԳԻ-ն (այն հաշվարկվում է լաբորատորիաներում), այնքան կտրուկ է բարձրանում արյան մեջ գլյուկոզայի մակարդակը:
Մինչև այժմ կարծիք կար, թե այդ ինդեքսը հաշվարկելը կարևոր է միայն նրանց համար, ովքեր ցանկանում են նիհարել, բարձր ԳԻ-ով մթերքը գիրանալու նախապայման է: Բայց գիտնականները պարզել են, որ սննդաբաժնում բարձր ԳԻ-ով մթերքի գերակշռությունը 2 անգամ բարձրացնում է ինֆարկտի և սրտի այլ հիվանդությունների ռիսկը: Այդ պատճառով նրանք առաջարկում են բոլոր մարդկանց, անկախ քաշից՝ ցածր ԳԻ-ով մթերք օգտագործել՝ ձավարեղեն, խոշոր աղացվածքի ալյուրից թխված հաց և այլն:
Հատիկեղենը, օրինակ՝ սևաձավարը, բրինձը, ցորենը, այժմ գրեթե կարդիոպրոտեկտորներ են համարվում: Մասնավորապես թխվածքները դրանցով փոխարինելիս մարդը նկատելիորեն ազատվում է ավելորդ քաշից: Գոտկատեղի ծավալը փոքրանում է առաջին հերթին ներորովայնային (վիսցերալ) ճարպի հաշվին, որը կուտակվում է սրտի, այն սնուցող զարկերակների հատվածում և տարիքի հետ դրանց տառացիորեն խեղդում է:
Հատիկեղենն օգնում է վերացնել երկու տեսակի ճարպերը` ներորովայնային և ենթամաշկային: Բանն այն է, որ հատիկից ստացված ալյուրի մեջ, ըստ էության, միայն օսլան է մնում, իսկ հատիկն ինքը լի է կենսաբանական ակտիվ նյութերով, որոնք կալորիա չեն պարունակում, դրա փոխարեն հագեցածության զգացում են ստեղծում:
Սննդակարգերի ուսումնասիրությունները, որոնց մեծ մասը կազմված են հատիկավոր մթերքի հիման վրա, ցույց են տվել, որ դրանք օգնել են իջեցնել զարկերակային արյան ճնշումը, արյան մեջ խոլեստերինի մակարդակը և բարձրացրել են ինսուլինի հանդեպ դիմադրողականությունը: Վերջինը նշանակում է, որ հատիկավոր մթերքը օգնում է կանխարգելել երկրորդ տեսակի շաքարախտը:
Երկրորդ օգտակար բուսամթերքը բջջանքն է, որի ամենալավ աղբյուրը հում բանջարեղենն է: Ըստ հետազոտությունների՝ ում սննդի մեջ առավելագույն քանակությամբ բջջանք է եղել (օրական 14 գ), միջինը 18%-ով քիչ է ենթակա եղել բոլոր տեսակի սիրտ-անոթային հիվանդություններին: Իսկ ովքեր նվազագույն քանակությամբ են բջջանք օգտագործել (օրական 6-8 գ) 58%-ով հաճախ են տառապել այդ խնդիրներից, ներառյալ՝ կորոնար հիվանդությունները:
Կիսվե՛ք:
Այսօր նշվում է.
Հունաստանի Անկախության տոնը (Independence Day in Greece) յուրաքանչյուր տարի նշվում է մեծ շուքով և համարվում է պետության կարևորագույն նշանակություն ունեցող տոներից մեկը:
1814թ.-ին հիմնադրվեց մի գաղտնի կազմակերպություն, որը կոչվում էր Ֆիլիկի Էտերիա Հունաստանի ազատագրման համար։ Ֆիլիկի Էտերիան պլանավորեց սկսել հեղափոխությունը Պելեպոնեսում, Դանուբյան դքսությունում և Կոստանդինապոլսում։
Առաջին ընդվզումն սկսվեց 1821թ.-ի մարտի 6-ին Դանուբյան դքսությունում Ալեքսանդր Իպսիլանտիսի գլխավորությամբ, բայց շուտով ճնշվեց թուրքերի կողմից։ Նույն ամսվա վերջին Պելեպոնեսում սկսվեցին ընդվզումներ Օսմանյան կայսրության դեմ և 1821թ.-ի հոկտեմբերին գրավեցին հունական Տրիպոլի քաղաքը Տեոդորիս Կոլոկոտրոնիսի գլխավորությամբ։
Պելեպոնիսյան հեղաշրջմանն արագ հետևեցին հեղաշրջումներ Կրետեում, Մակեդոնիայում և Կենտրոնական Հունաստանում, որոնք շուտով ճնշվեցին։ Մինչ այդ հունական ռազմածովային ուժերն ունեցան առավելություն Օսմանյան ռազմածովային ուժերի նկատմամբ Էգեյան ծովում և կանխեցին օսմանյան զորքերի համալրումը ծովով։
Սակայն 1822թ.-ին և 1824թ.-ին թուրքերը և եգիպտացիները ներխուժեցին կղզիներ, մասնավորապես՝ Քիոս և Պսարա՝ զանգվածային ջարդի ենթարկելով տեղի բնակչությանը։ Լարվածությունը շուտով աճեց երկու հունական խմբակցությունների միջև, որը բերեց քաղաքացիական պատերազմի։
Նույն ժամանակ Օսմանյան սուլթանը բանակցությունների մեջ մտավ եգիպտական սուլթան Մուհամեդ Ալիի հետ, որը պետք է ուղարկեր իր որդուն՝ Իբրահիմ փաշային, որպեսզի ճնշի ապստամբությունը՝ փոխարենը նրան խոստանալով տարածքներ։
Իբրահիմը հասավ Պելեպոնես 1825թ.-ի փետրվարին և միանգամից հաջողություններ ունեցավ: 1825թ.-ի վերջում եգիպտացիների հսկողության տակ անցավ Պելոպոնեսի մեծ մասը։ Չնայած Իբրահիմը պարտություն կրեց Մանի թերակղզում, բայց նա ճնշեց ապստամբության մեծ մասը և վերանվաճեց Աթենքը։
Մի քանի տարի բանակցելուց հետո մեծ երեք մեծ տերությունները (Ռուսաստան, Մեծ Բրիտանիա և Ֆրանսիա) որոշեցին միջամտել հակամարտությանը և Հունաստան ուղարկեցին ռազմանավեր։ Այս նորություններից հետո օսմանո-եգիպտական ռազմածովային ուժերը որոշեցին հարձակվել հունական կղզիների վրա։ Մեկ շաբաթյա բախումից հետո օսմանո-եգիպտական ուժերը պարտություն կրեցին։
Ֆրանսիական զորքերը ստիպեցին եգիպտական զորքերին ազատել Պելոպոնեսը, իսկ հունական ուժերն ազատագրեցին կենտրոնական Հունաստանը 1828թ.-ին։ Որպես արդյունք երկարամյա պայքարի ստեղծվեց Առաջին հելլենական հանրապետությունը, որը վերջնական ճանաչում ստացավ Լոնդոնի արձանագրությամբ 1830թ.-ին։
Կիսվե՛ք:
Ոչ բավարար եք ուտում
Մի հետաձգեք սննդի ընդունումը, սա ոչ միայն կխախտի առողջ նյութափոխանակությունը, այլ նաև ուժեղ սովի պատճառով ընթրիքին կուտեք ավելի շատ, քան անհրժեշտ է: Այս ազդեցությունը նկատվում է ոչ միայն սնվելը հետաձգելու, այլ նաև չափաբաժինները շատ կրճատելու դեպքում:
Չեք հանգստանում
Ապացուցված է, որ սթրեսը ստիպում է ձեզ ուտել շատ, հատկապես քաղցր ու յուղոտ սնունդ: Փորձեք ժամանակ գտնել հանգստանալու համար:
Կարող եք հանգիստը ակտիվ դարձնելով, նույնիսկ, հավելյալ կալորիաներ ծախսել:
Չափազանց շատ եք օգտագործում ցածր կալորիականության սնունդ
Ցածր կալորիական սննդի օգտակարության մասին տպավորությունը խաբուսիկ է, քանի որ հաճախ այն պարունակում է հավելյալ քանակի աղ, շաքարավազ և այլ հավելումներ, որոնք փոխարինում են սովորական բաղադրամասերին:
Արդյունքում կարող եք այսպիսի սնունդ օգտագործելով, իրականում, ավելի շատ կալորիաներ ընդունել, քան սովորական սնունդ ընդունելիս:
Չունեք սննդային օրագիր
Կալորիաները վերահսկելու համար հարկավոր է գրել, թե ինչ և ինչքան եք ուտում: Սա բավական արդյունավետ տարբերակ է նիհարելու ճանապարհին:
Հաճախ եք ճաշում սրճարաններում
Սրճարաններում սնվելիս ավելի շատ կալորիաներ ենք ընդունում, քան անհրաժեշտ է, քանի որ ընտրում ենք տապակած ուտելիք, զանազան թոփինգներ ու աղանդեր: Ինչպես նաև, դժվար է հաշվել այս վայրերում առաջարկվող սննդի կալորիականությունը: Այսպիսով, եթե ամեն դեպքում սրճարանում եք սնվելու, ձեր բաժինը կիսեք ընկերների հետ, պատվիրեք միայն առողջ սնունդ, խմեք միայն ջուր:
Ինքներդ Ձեր հանդեպ ներողամիտ չեք
Սննդակարգի հետևելիս մի փոքր կտոր շոկոլադե տորթը կամ ֆրին չեն վնասի: Գիտնականները պնդում են , որ կարիք չկա, սննդակարգը խախտելու հաջորդ օրը մարզասրահում ավելի մեծ ծանրաբեռնվածությամբ մարզվել: 600 կալորիայով սննդակարգի նորման խախտելն իրականում ձեր գոտկատեղի շրջագծի վրա չի ազդի, իհարկե, եթե պարբերաբար առողջ սնունդ եք օգտագործում:
Մարզանքից հետո սխալ եք սնվում
Եթե մարզանքից հետո դեռ սննդի ընդունման ձեր ժամը չէ, ապա կարող եք ուտել ընդամենը 150 կկալ պարունակող ինչ-որ բան: Հիշեք, որ նույնիսկ չրերի ու ընդեղենի առողջ խառնուրդը շատ կալորիաներ է պարունակում, հետևաբար նախապես առանձնացրեք ձեզ համար բավարար քանակը այլ ոչ առանց ընկալելու կուլ տվեք ընկույզ ընկույզի հետևից:
Թարգմանված նյութի աղբյուրը՝ Doctors.am
Սկզբնաղբյուր՝ Zdorovieinfo.ru
Կիսվե՛ք:
Մարտի 25, տարվա 84-րդ (նահանջ տարիներին՝ 85-րդ) օրն է։
- Տարվա ավարտին մնում է 281 օր։
Դեպքեր
Սանտա Մարիա դել Ֆյորե
1436թ.
- 1436՝ Ֆլորենցիայում 140 տարի տևած շինարարությունից հետո օծվում է Սանտա Մարիա դել Ֆյորե տաճարը
- 1821՝ Հունաստանն ազդարարում է իր անկախությունը Օսմանյան կայսրությունից
- 1911՝ Նյու Յորքի Թրայանգլ ֆաբրիկայում ծագած հրդեհի զոհ է դառնում 146 աշխատող
- 1949՝ Էստոնիայի, Լատվիայի և Լիտվայի 92 000 բնակիչներ արտաքսվում են Սիբիր
- 1975՝ Սաուդյան Արաբիայի թագավոր Ֆայսալին սպանում է իր հոգեկան հիվանդություն ունեցող զարմիկը
- 1988՝ Բրատիսլավայում կոմունիստական ռեժիմի դեմ կայանում է մոմերով ցույց
- 1992՝ ռուս տիեզերագնաց Սերգեյ Կրիկալյովը վերադառնում է Երկիր «Միր» տիեզերակայանում10 ամիս մնալուց հետո
Ծնունդներ
Տոսկանինի
- 1699՝ Յոհան Ադոլֆ Հասսե գերմ. երգիչ-երգահան (մ. 1783)։
- 1767՝ Յոաքիմ Մյուրաթ (Joachim Murat) ֆրանս. ադմիրալ (մ. 1815)։
- 1867՝ Արտուրո Տոսկանինի իտալ. դիրիժոր (մ. 1957)։
- 1881՝ Բելա Բարտոկ հունգ. դաշնակահար և կոմպոզիտոր (մ. 1945)։
- 1908՝
- Դեյվիդ Լին անգլ. ռեժիսոր և դրամատուրգ (մ. 1991)։
- Հելմութ Քոյթներ գերմ. դերասան և ռեժիսոր (մ. 1986)։
- 1912՝ Մարտին Քարամյան, բանաստեղծ, արձակագիր և թարգմանիչ
- 1912 – Ալեքսանդր Շաքարյան, հայ նկարիչ
- 1914՝ Նորման Բորլոուգ ամեր. գյուղատնտես, Նոբելյան մրցանակակիր (մ. 2009)։
- 1921՝ Սիմոնա Սինյորե գերմ.-ֆրանս. դերասանուհի (մ. 1985)։
- 1947՝ Էլթոն Ջոն անգլ. երգիչ-երգահան, դաշնակահար և դերասան
- 1955 – Մանիկ Աճեմյան, հայ բանաստեղծ, լրագրող
- 1965՝ Սարա Ջեսիքա Փարքեր ամեր. դերասանուհի, երգիչ
- 1976՝ Վլադիմիր Կլիչկո ուկր. բռնցքամարտիկ
Մահեր
- 1625՝ Ջամբաթիստա Մարինի (Giambattista Marini) իտալ. բանաստեղծ (* 1894)։
- 1677՝ Վացլավ Հոլար չեխ նկարիչ (* 1607)։
- 1801՝ Նովալիս գերմ. բանաստեղծ և կոմպոզիտոր (* 1772)։
- 1914 – Ֆրեդերիկ Միստրալ, պրովանսացի բանաստեղծ, գրականության գծով Նոբելյան մրցանակի դափնեկիր (1904)
- 1918՝ Կլոդ Դեբյուսի ֆրանս. կոմպոզիտոր (* 1862)։
- 1969՝ Մաքս Իսթմեն ամեր. բանաստեղծ (* 1883)։
- 1973՝ Տիգրան Հախումյան, հայ բանաստեղծ, գրականագետ, թարգմանիչ (* 1894)։
- 1980՝ Միլտոն Էրիկսոն (* 1901)։
- 2007՝ Անդրանիկ Մարգարյան Հայաստանի 10-րդ վարչապետը (* 1951)։
Տոներ
- ԱՄՆ՝ Մերիլենդի օր
- Թոլքին կարդալու օր
- Համաշխարհային՝
- Բարի գործերի օր
- Չծնված երեխաների օր
- Փոստային բացիկների օր
- Հուդայականներ՝
- Փեսախ
- 28 տարին մեկ այս օրն է ընկնում Բիրքաթ Հաչաման
Հունաստան՝ Անկախության օր (Օսմանյան լծից՝ 1821թ.)- Շվեդիա՝ Վաֆլիի օր
Armen Abisoghomyan 